တရား, တရား- ၂

(တရား တရား ဆိုပြီး အပိုင်း (၁)ကို ရေးခဲ့ပြီးပါပြီ၊ စာရှုသူများ ဘယ်လို တွေးမလဲမသိဘူး၊ တရားဆိုပြီး ပြောလိုက်တာလဲ ကိုယ်အကြောင်းတွေချည်းဘဲ လို့ ဆိုရမလား ဘဲ။ ဘယ်လိုပဲဖြစ်စေ ဖြစ်စေ ပေါ့၊ ဒီအထဲ မှာ ကိုယ်လို ခံစားမှု တိုက်ဆိုင်တာတွေ ရှိကြမှာပဲလေ။ တကယ်ဖြစ်တတ်တဲ့ သဘာဝတွေကို စာဖတ်သူတို့  သိသွားရင်ကို ရေးရတာ အားရှိလှပါပြီ။(၁) အဆုံး သတ်ကို ပြန်ကြည့်နော်..)
ခု သွားတော့မယ်။ တရားလုပ်ဖို့ ။ သို့ သော် ပြောထားတဲ့ နေ့ မှာ မသွားဖြစ်ပြန်။ အကြောင်းကား ဦးဆောင် ဆရာတော် အလုပ်ရှိနေတာရယ်၊ ဒီမှာ မြန်မာ ဒကာ တစ်ဦးက ဆွမ်းကပ်ချင်ပါသည် ဆိုလို့  ရက် ရွှေ့့ဆိုင်းခဲ့တယ်။
ခု တကယ် သွားဖြစ်တဲ့ နေ့ က( January 8th, 2009)။ မြန်မာလို ပြောလိုက်ရင် မှတ်မှတ်ရရ ပိုရှိမယ်။ ဘာလို့ လဲဆိုတော့ တကယ့် တကယ့်ကို အမှတ်ရထိုက်သော နေ့ ထူး တစ်ခု ဖြစ်လို့ ပါဘဲ။အဲဒီနေ့ က- စာရေးဆရာ ဒါရိုက်တာ ဦးသုခ တို့  ဦးဆောင်သတ်မှတ်ခဲ့တဲ့  အမေ့နေ့ ပါ။ ပြာသိုလ်လပြည့်နေ့ လေးပေါ့။အမေဆိုတာ က တကယ့် အမှတ်ရထိုက်၊ တကယ်ကျေးဇူးရှင်ပါ။ အမေကို အမေမှန်း သိတတ်လို့  ကျေးဇူး ဆပ်မယ်ဆိုရင် ကော တရား မဟုတ်ပေဘူးလား? ဆိုတော့ ခု အမေ့နေ့ မှာ အမေကို ဘာနဲ့  ကျေးဇူး ဆပ်မလဲ၊ တရားနဲ့  ဆက်တာ အကောင်းပဲလေ။ အင်း  စိတ်ထဲ ရှိတာ ပြောရရင် လူတွေလို နှိပ်နယ်ပေးတာ၊ လိုအပ်တာ ပေးလှုတန်းပေးဖို့ ဆိုတာလဲ ဘုန်းကြီးဖြစ်နေတော့ စိတ်ကြိုက်ပေးလို့ မရ။ ပေးမယ်ဆိုရင်ကော …စဉ်းစားစရာ။ ရှိရောရှိလို့ လား။ကဲထားပါတော့လေ။ ကိုယ်မတတ်နိုင်လို့  တရားနဲ့ ကျေးဇူးဆပ်တယ် ထင်ကြလိမ့်မယ်။ ထင်နိုင်ပါတယ်။

မနက် ၇-နာရီမှာ စတင်ပြီး ကိုလံဘိုကထွက်ခဲ့တယ်။ဟိုရောက်တော့ ညနေ ၄နာရီရောက်တယ်။ကားစင်းလုံးငှါးပြီး လိုရာခရီးသို့  လျှောက်လှမ်းခဲ့ကြတယ်။အဲဒီသွားတဲ့ ခရီးမှာတော့ကားခလှူသူဆွမ်းဆက်ကပ်တဲ့သူနဲ့ ။ န၀ကမ္မ ကို ခွဲတမ်းကျ မလုပ်ခဲ့ ကြပါဘူး။ သွားတဲ့ သံဃာတွေထဲကပဲ လှူတန်းကြတယ်။ ဟိုရောက်တော့ အစားသောက်က ကိုယ့်မြန်မာ ရိုးရာအစားစာ ဖြစ်တဲ့ ငပိကြော်တို့ ၊ မြေပဲ ကြော်တွေကို စီစဉ်လှုကြတယ်။ မှတ်မှတ်ရရ အင်္ဂလန် မှာ သာသနာပြုနေတဲ့ ဘုန်းကြီးတစ်ပါးက သံဃာတွေ တရားထိုင်တာ ကြည်ညိုလို့ ဆိုပြီး